یمن میں اتحادی فوج کی بمباری سے حوثی کمانڈر سمیت 45 باغی ہلاک

عرب اتحادی فوج نے البرح میں فضائی بمباری کر کے حوثی کمانڈر سمیت 45 باغیوں کو ہلاک کرنے کا دعویٰ کیا ہے۔غیرملکی خبرساں ادارے کے مطابق یمن میں تعز گورنری کے مغربی علاقے البرح میں عرب اتحادی افواج کی فضائی بمباری سے حوثی لیڈر امین حمیدان سمیت 45 باغی ہلاک ہو گئے۔اتحادی فوج کے ترجمان کا کہنا تھا کہ فضائی بمباری کے دوران باغیوں کے 6 ٹھکانوں سمیت متعدد فوجی گاڑیاں بھی تباہ کر دی گئیں۔ ترجمان کا کہنا ہے کہ المخا اور اس کے اطراف کو حوثی باغیوں سے چھڑانے کے لئے آپریشن جاری ہے۔واضح رہے کہ گزشتہ روز یمن میں مغربی مآرب میں صرواح کے زیر انتظام کوفل ڈاریکٹوریٹ کی ایک جامع مسجد پر حوثی دہشت گردوں کے حملے میں 34 نمازی شہید اور متعدد زخمی ہو گئے تھے۔

77total visits,1visits today