البابا فرنسيس يوقع على سيارة لامبورجيني في ساحة القديس بطرس في الفاتيكان يوم الأربعاء. (صورة حصلت عليها رويترز لا يحوز اعادة بيعها). 75

پاپائے روم کا عراق کو بیش قیمت کار کی قیمت کا عطیہ

وٹیکن کی طرف سے کل اتوار کے روز جاری کردہ ایک بیان میں کہا گیا ہے کہ پاپائے روم پوپ فرانسیس نے عراق میں انسانی بہبود کے منصوبوں کے لیے بغداد کو ایک بیش قیمت لگژری کار کی قیمت کا عطیہ کیا ہے۔

خبر رساں اداروں کے مطابق اطالوی کار ساز کمپنی ’لیمبورگینی‘ نے یہ کار گذشتہ برس دو نومبر کو پوپ فرانسیس کو تحفے میں دی تھی تاہم اسے استعمال نہیں کیا گیا بلکہ اسے نیلام کیاگیا تھا۔ نیلامی میں حاصل ہونے والی رقم عراق میں انسانی بہبود کے منصوبوں کے لیے بغداد کو دی جائے گی۔

وٹیکن ریڈیو نے جکومت کے ایک عہدیدار کے حوالے سے کہا ہے کہ پوپ فرانسیس نے بیش قیمت کار کی نیلامی میں حاصل ہونے والی قیمت جو کہ سات لاکھ پندرہ ہزار یورو ہوگی عراق میں انسانی بہبود کے منصوبوں پر خرچ کرنے کا فیصلہ کیا ہے۔

ذرائع کا کہنا ہے کہ ویٹیکن کی طرف سے عراق کو دی گئی رقم نینویٰ میں داعش تنظیم کے مظالم سے متاثر ہونے والے عیسائی خاندانوں کی بحالی اور ان کی آباد کاری پر خرچ کی جائے گی۔ اس کے علاوہ رقم کاایک حصہ انسانی اسگلنگ کا شکار ہونے والے افراد اور افریقا میں جبری طور پر عصمت فروشی کے دھندے کی روک تھام کے لیے صرف کی جائے گی۔

اس خبر پر اپنی رائے کا اظہار کریں